مش عارفة اتخطى

Ice Cream_51334 🇪🇬

منذ شهر واحد

شعور عاطفي

هو ازاي ممكن اتخطى حاجه ضايقتني اوي من حد قريب مني اتقالت في نص خناقه مخلياني مش عارفه اتعامل بطبيعتي حتى لو ظاهر التعامل عادي وفي نفس الوقت مش اعرفه اعاتب بجد لان حاسه اني هنت على الشخص ده فمش عارفه اعاتبه كده واطلع اللي جويا مع انه اعتذر كزا مره وسأل لسه متضايقه ولا لا وكده بس مش بقول اكثر من حصل

Avocado_50489 🇪🇬

منذ 5 أشهر

شعور متوتر

انا كنت معجبه بحد واعترفلى بس انا قررت انى مش هخسر ثقه اهلى فيا وقلتلو اننا صغيرين ورفضت طبعا بس الموضوع عدى عليه سنتين وانا مش عارفه اتخطى اى حاجة كل لما يشوفوا صدفه بحس انى متوتره بس بفتكر انى بعمل كده عشان ربى بس انا مش عارفه اعمل ايه فى التوتر ده انا تعبت انى كل لما بشوفوا بحس ان التوتر بيسيطر

Chilli_34636 🇪🇬

منذ 6 أشهر

شعور مكتئب

عبّر عن شعورك بشكل مجهول

انا تعبت بجد انا مش عارفة اتخطي حاجات كتير في الماضي و مش عارفة أخد خطوة لقدام بجد خالص مش حاسة اني هعرف اكمل حياة كدا و انا فعلا نفسي مكملش حياة لأني عارفة اني هفضل علي الحال دا و للأسف دكاترة بتفضل تقول اه مفيش حاجة هتتنسي و اشغلي نفسك و خلاص مش فاهمة يعني دا اسمه ايه يعني انا تبقي حاجات حصلت من ٦ ٧ سنين و لما اي حاجة بسيطة تحصل جدا تفكرني بالموضوع افضل اعيط و انهار و ان دا طبيعي عادي؟! دي دكتورة كانت فاتحة لابف اللي بتقولي عادي عادي كله كدا مش فاهمة ازاي دا طبيعي و أنا لما ابقي قاعدة ٥ شهور مش عارفة اعمل حاجة دا عادي مثلا يعني لو كل الناس كدا امال مين الناس اللي شغالة و بيروحوا و يجوا يعني انا مش فاهمة هي ليه محسساني ان مفيش مشكلة قفلتني من الحياة و اني هفضل طول حياتي كدا و انا كنت ببقي متعلقة بأمل إن أكيد مع الوقت شدة الألم هتخف و دا محصلش و عدي سنين فقولت اني لازم احاول اكتب افكاري و اشوف حلول للمواضيع دي عشان مش كل ما افتكرها انهار قامت هي حسستني ان مفيش تغير هيحصل و ان كدا كدا الانسان هيفضل طول عمره كدا بقت كرهت حياتي كنت متعلقة بفكرة ان اكيد الدنيا هتتحسن لما ابتدي اواجه بعض مشاكل الماضي و بالتالي اعرف اركز في الحاضر و المستقبل بجد كل الدكاترة او الثيرابت كرهوني في حياتي و قفلوني من الدنيا كلها حتي اللي كنت بروحلوهم المكان نفسه و اتكلمت معاهم كذا مرة و اخدت قرار اني مش هروح تاني و بالصدفة اشوف لايف لدكتورة تقول الكلام اللي قالته انا بجد مش عايزة اعيش و الله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_30361 🇪🇬

منذ 7 أشهر

شعور مكسور القلب

Apple_29311 🇪🇬 وارد جدا انه بيتسلى لانه جيتي له عالجاهز بدون ما يتعب ربنا يهديكي لو كنتي فحاجة بترضيش ربنا نهايتها هتزعلك واتقلي لو عايزك هييجي🩷

عرض الكل 2 نصيحة

عبّر عن شعورك بشكل مجهول

انا اتعرفت من حوالي 9 سنين على واحد من زمايلي و كنا وقتها صغيرين اوي 10 سنين مثلا ،  ف كانت معرفتي بيه سطحية جدا جدا بس حبيته جدا وقتها وبعد تعرفنا ب أقل من سنة هو نقل مدرسة تانية ، واستمريت انا بحبه لحد اللحظة اللي بكتب فيها دي بدون اي تواصل او مكالمات او اني حتى اشوفه معرفش اي حاجة عنه نهائي ، الفكرة ان من سنة تقريبا انا اعترفتله بمشاعري وكدة  هو معلقش نهائي على اعترافي ليه واتكلم عادي في مواضيع عامة تانية سألني عن احوالي و حكينا في اللي حصل السنين اللي فاتت و اتكلمنا بالساعات وكل ما كنت اجي اقفل كلام يقولي انا حابب الكلام معاكي ومبسوط ولو قلتله انا حواليا ناس هكلمك بعدين اول ما ارجع قبل ما ابعت المسدج بيكون هو في الشات وحكالي عن حاجات هو مش بيحب يحكيها للناس و لأهله . المشكلة بقا انه قطع كلام فجأة بعد 5 ايام ومرجعش اتكلم ف انا حسيت ب إهانة وشيلته من عندي ، لقيته بعدها عملي add تاني بس انا مكنتش خدت بالي منه بس في الاخر قبلته وفضل فترة متكلمناش ف بعتله انا مسدج انه انا اسفة لو ضايقتك في حاجة او تقلت عليك وبتمنالك كل حاجة حلوة في حياتك رد عليا قالي تمام سلام . المشكلة اني لسة بحبه و بموت فيه وبعيط عليه . و محتارة في ردوده اول مرة اتكلمنا وطريقة كلامه وانه فجأة بعد وسابني امشي عادي . المشكلة ان هو اول حب في حياتي ومش سنة ولا اتنين ضاعوا عليه دول 9 . و مكنتش بدي فرصة لأي حد انه يدخل حياتي بس بعد اللي حصل في حد حاول يدخل حياتي واديتله فرصة بس الموضوع مظبطش مقدرتش ارتاح ولا قدرت اتقبل اني ابقى مع واحد تاني غيره وبعدت عشان مظلمش اللي كان عايزني ده .

انا جوايا وجع فظيع ومش فاهمة اي حاجة ، يعني هو مثلا استرخصني عشان انا اللي بادرت؟

ولا هو كان بيتسلى الكام يوم دول ؟
طب وانا اعمل ايه في احساسي وفي حبي ليه ؟ 
اتخطاه ازاي وهو مش بيغيب عن بالي ابدا وموجود في كل حاجة بشوفها وبعملها ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_28773 🇪🇬

منذ 7 أشهر

شعور محبط

كنت دايما عندي خوف من فقدان واحدة من بنات اخويا وكنت حاسة انها هتموت وماتت وانا مش عارفة اتخطى وفاتها وكل شوية اشوف صورها اعيط

Watermelon_28759 🇪🇬 انا عارفة قد اي الموضوع صعب خصوصا ان الانسان بيحس بالذنب انه فكر في وفاة الشخص دة قبل ما يحصل بس صدقيني هي شايفاكي وحاسة بيكي ودايما هتبقى عايزاكي مبسوطة.. احلى حاجة تعمليها طلعيها صدقة واقرأليها قرآن ودايما اكتبي في نوتة خاصة بيكي كلام ليها كانك بتكلميها وادعي كتير ربنا يصبرك ويجمعك بيها في الجنة

عرض الكل 2 نصيحة

Pineapple_21444 🇪🇬

منذ 9 أشهر

شعور مكسور القلب

انا كنت اعرف واحد بقالي سنه وكده بس بعد فتره قالي انو بيحبني وعايز يتجوزني بس بعد فتره قولت لاهلي هو مكنش جاهز لاي حاجه خالص استحملت كل حاجه علشانه ضغط من اهلي ومن كل حاجه حوليا عيشني اول كام شهر الحياه وردي وان كل حاجه هتكون احسن وبعد كام شهر سيبنا بعض علشان اهلي شايفن انو مش جاهز وشكله بيلعب بيكي

Avocado_20865 🇪🇬

منذ 10 أشهر

شعور مكسور القلب

عبّر عن شعورك بشكل مجهول

اتعرفت ع شخص كان قريبي بعد امتحانات 3 ثانوي وكنا صحاب وحكاينا لبعض كل حاجة وكنا صحاب لمده شهر جه بعد كدا اتعرفت ليا بمشاعرة وانا كان ف اعجاب برضو ف قولت ليه وانا كمان يعني معجبه بيك وكدا وفضلنا مع بعض لحد م النتيجة ظهرت ف أنا عدت السنة وهو كان معايا واقف جمبي ف كل حاجه وبجد عمري ما هنسي أن هو كان جمبي لحظه ب لحظه وحرفيا الفتره دي كانت صعبه عليا اوي جه وكان كويسين مع بعض جدا وقولت بقا أن ده عوض لربنا ليا وانت هو هيفضل معايا وهيشجعني ع كل حاجه وكدا وكان كلمنا كويس اوي وكان هو الي بيستحايل عليا علشان نتكلم سوا وان انا ابدا معه الكلام وغيره من كدا جه بقا لما بدأت اتكلم واحب اوي واتهم اوي كان هو بقا دخل الجامعه وكنا برضو بنتكلم مع بعض برضو ف كل وقت جه مره واحده لاقيتة قطع معايا كلام وبدأ تصرفاته تتغير وبدأ يقلل كلام خالص وانا مش فهمه هو ليه بيعمل كدا بدأت اسال ليه واي السبب يقولي انا بحبك ومعاكي بس انا مشغول الفتره دي ومش بعرف اتكلم معاكي اقول ماشي مش مشغل وكدا وفضل الحال ده لمده شهر او شهرين ويمكن اكتر كمان بدأت اقول خلاص هو كدا كدا معدش عاوزني دخلت قولت ليه كدا يقولي لا انا بحبك وكدا ف بقيت ف حيره منين انت اللي بتعمله معايا ده ومنين بتقول ليا بحبك مبقتش فهمه حاجه خالص وقفلت كل حاجه وبقيت خلاص معدنش بتكلم معه ويحاول اتخطي كل حاجه بس ف حيره من امري ليه سابني كدا ليه عمل معايا كدا دلوقتي عدت سنتين وانا لحد الان مش عارفه اتخطي الموضوع ومش عارفه اعمل ايه بجد ويحاول بقدر الإمكان اني اتخطي وان مفكرش فيه بلاقي نفسي بفكر فيه غصب عني مبقتش فهمه اعمل ايه ولا امشي ازاي محتاجه حد يقترح عليا اعمل ايه وازاي انسي كل حاجه واتخطي كل حاجه بجد لاني تعبت من الموضوع ده🥺

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_4662

منذ سنة واحدة

شعور Not great 😕

اتخطى ازاي ي جماعة بحاول ومش عارفة وتعبت بجد وحشني اوي وكل حاجة زي ما يكون بتجري ورايا عدا ٥ شهور وانا لسه ف نفس النقطة

التجربة أفضل عبر التطبيق

حمّل تطبيق توهيل على هاتفك لتجربة أسرع